Soz (Pathos)

Soz (Pathos)

1.   tamanna fir machal jaaye agar tum milne aa jaao
     ye mausam hi badal jaaye agar tum milne aa jaao
     mujhe gham hai ke maine zindagi mein kuch nahin paaya
     ye gham dil se nikal jaaye agar tum milne aa jaao
     nahin milte ho mujhse tum to sab humdard hain mere
     zamana mujhse jal jaaye agar tum milne aa jaao
     ye duniya bhar ke jhagde ghar ke kisse kaam ki baaten
    bala har ek tal jaaye agar tum milne aa jaao



2.   aap bhi aayiye humko bhi bulaate rahiye
     dosthi zurm nahin dosth banaate rahiye

     zaher pee jaaiye aur baantiye amrit sabko
     zakhm bhi khaaiye aur geet bhi gaate rahiye

     waqt ne loot lee logon ki tammannayen bhi
     khwaab jo dekhiye auron ko dikhaate rahiye

     shakl tho aapke  bhi zahen mein hogi koi
     kabhi ban jaayegi tasveer banaate rahiye




3.   ab agar aao tho jaane ke liye math aana
     shirf ehsaan jataane ke liye math aana

     meaine palkon pe tammannnayen saza rakhi hai
     dil mein ummeed ki  sau shammen jala rakhi hai
     ye hasin shammen bujhane ke liye math aana

     pyaar ki aag mein zanzeeren pighal sakti hai
     chaahne waalon ki takdeeren badal sakti hai
     tum ho bebas ye bataane ke liye math aana

     ab tum aana jo tumhe mujhse mohabbat hai koi
     muJhse milne ki agar tumko bhi chaahat hai koi
     tum koi rasm nibhaane ke liye math aana


4.   shaam hone ko hai
     laal suraj samandar mein khone ko hai
     aur uske pare kuch parinde kataare banaaye
     unhi jungalon ko chale,
     jinke pedon ki shaakhon pe hai ghosle
     ye parinde wahin laut kar jaayenge, aur so jaayenge
     hum hi hairan hain, in makaanon ke jungle mein
    apna koi bhi thikaana nahin
     shaam hone ko hai
     hum kahan jaayenge



5.   aaj maine apna fir sauda kiya
     aur fir main door se dekha kiya

     zindagi bhar mere kaam aayen oosool
     ek ek karke unhe becha kiya

     kuch kamin apni wafaaon mein bhi thi
     tum se kya kehte ki tumne kya kiya

     ho gayi thi dil ko kuch ummeed si
     khair tumne jo kiya achcha kiya.



6.   kyoon daren zindagi mein kya hoga
     kuch na hoga tho tazurba hoga

     haNsti aankhon mein jhaank kar dekho
     koi aaNsoo kahin chupa hoga
    
     in dinon na ummeed sa hoon main
    shaayad usne bhi ye suna hoga

     dekhkar tumko sochta hoon main
    kya kisi ne tumhen chua hoga



7.   pyaas ki kaise laaye taab koi
     nahin dariya tho ho saraab koi

     raat bazthi thi dooor shehnaaee
     roya peekar bahut sharaab koi

     kaun sa zakhm kisne baksha hai
     uska rakhe koi hisaab koi

     fir main sunane laga hoon is dil ki
     aane waala hai fir ajaab koi


8.   ik pal ghamon ka dariya, ik pal khushi ka dariya
     rukta nahin kabhi bhi, ye zindagi ka dariya

     aankhen thi wo kisi ki, ya khwaab ke zanzeeren
    awaaz thi kisi ki ya raagini ka dariya

     is dil ki waadiyon mein ab khaak ud rahi hai
h     behta yahin tha pehle ek aasgiqui ka dariya

     kirene mein hai ye lehren ya lehron mein hai kirene
     dariya ki chandni hai yaa chandni ka dariya




9.    tum baithe ho lekin jaate dekh raha hoon
     main tanhaayi ke din aate dekh raha hoon

      aane waaale lamhe se dil sehma hai
      tumko bhi darte ghabraate dekh raha hoon
      kab yaadon ka zakhm bhare kab daag mite
      kitne din lagte hain bhulaate dekh raha hoon
      uski aankhon mein bhi kaajal faila hai
      main bhi mudke jaate jaate dekh raha hoon

      Lyrics : Javed Akhtar
      Music  : Jagjit Singh
              

Samvedna (Sensitivity)

Preface

        Zindagi ki shor, rajnit ki apadhaati, rishton naataon ke
     galiyon aur kya khoya kya  paaya ke  baazaaro se aage, soch
     ke raaste par  kahin ek aisa  nukkad aata hai jahan pahunch
     kar  insaan  ekaaki ho  jaata hai. tab, jaag  uththa hai ek
     kavi. fir  shabdon ke  rangon se jeewan ki anokhi tasveeren
     banti hain,  kavitaayen aur geet, sapnon ki tarah aate hain
     aur kaagaz par  hamesha ke liye  apna ghar  bana lete hain.

     Atal ji ki ye kavitaayen, aise hi pal, aise hi  chaaon mein
     likhi  gayi hain, jab sunane waale aur sunaane  waale mein,
     tum aur main ki  deewaaren toot  jaati hai, duniya ki saari
     dhadkane  simat kar ek dil  mein aa jaati hain, aur kavi ke
     shabd  duniya ke har  samwelan  sheel  insaan ke  shabd ban
     jaate hain.



1.   kya khoya kya paaya jag mein
     milte aur bichhadte mag mein
     mujhe kisi se nahin shikaayat
     taddapi chhala gaya pag-pag mein
     ek drishti biti par daale
     yaadon ki potali tatole

     prithwi laakhon varsh puraani
     jeewan ek anant kahani
     par tan ki apni seemaayen    
    taddapi sau shardon ki vaani
     itna kaafi hai antim dastak
     par khud darwaajaa khole

     janm-maran ka avirat fera
     jeevan banzaron ka dera
     aaj yahaan kal kahan kuch hai
     kaun jaanta kidhar savera
     andhiyara aakaash aseemit
     praanon ke pankhon ko taule
     apne hi man mein kuch bole



ABV: emergency lagi thi, saara desh ek jail-khaane mein badal
     diya gaya thaa. swatantrataon ka  apharan hua thaa. badi
     sankhya  mein log  giraftaar kiye  gaye the, jailon mein
     band kiye gaye the. jab ek saal  beet gaya tho  maine ek
     choti si kavita likhi...

     jhulsaata jeth maas
     sharad chaandni udaas
     siski bharte saawan ka
     antarghat beet gaya
     ek baras beet gaya
     ek baras beet gaya

2.   ek baras beet gaya
     jhulsaata jeth maas
     sharad chaandni udaas
     siski bharte saawan ka
     antarghat beet gaya
     ek baras beet gaya
    
     seekachon mein simta jag
     kintu vikal praan wihag
    dharti se ambar tak
     goonj mukti geet gaaya
     ek baras beet gaya
    
     path nihaarte nayan
     ginte din, pal chhin
     laut kabhi aayega
     man ka jo meet gaya
     ek baras beet gaya



ABV: jo kal tthe, wae aaj nahin hain
     jo aaj hain, kal nahin honge
     hone na hone ka kram isi tarah chalta rahega
     hum hain, hum rahenge, ye bhram bhi sada palta rahega
    
     satya kya hai?
     hona ya na hona.
     ya dono hi satya hai.
     jo hai uska hona satya hai.
     jo nahin hai, uska na hona satya hai.
    
     mujhe lagta hai ke, hona na hona,
     dono ek hi satya ke do ayaam hain
     shesh sab samjah ka bhed, buddhi ke wyayaam hain

3.   chauraahe par lutha cheer
     pyaade se pit gaya vazeer
     chaloon aakhri chaal ki baazi
     chod wirakthi rachaaoon main
    raah kaun si jaaoon main

     sapna janmaa aur mar gaya
     madhu ritu mein baag jhad gaya
     tinke bikhre huye batoroon
    ya nav shrishti sajaaoon main
    raah kaun si jaaoon main
     do din mile udhaar mein
    ghaate ke vyaapaar mein
    kshan-kshan ka hisaab jodoon main
    yaa poonji shesh lutaaoon main
   raah kaun si jaaooN main


ABV: maine bahut kam kavitaayen likhi hain     waqt nahin milta,
     lekin jab kabhi meri saal girah aati hai
     tab, pichle kuch saalon se main har saal girah par ek kavita
     likhtaa hoon.
     jeewan ki dhalne lagi saanjh
     umar ghat gayi dagar kat gayi
     jeewan ki dhalne lagi saanjh
     badlen hain arth
     shabdh huye wyarth
     shaant bina khushiyan hain baanjh
     jeewan ki dhalne lagi saanjh

4.   jeevan beet chala
     kal , kal karte, aaj     haath se nikale saare
     bhoot bhavishyat ki chinta mein
    wartmaan ki baazi haare

     pehra koi kaam na aaya
     rasghat reet chala
     jeewan beet chala

     haani-laabh ke paladon mein
    tultaa jeewan vyapaar ho gaya
     mol laga bikne waale ka
     bina bika bekaar ho gaya

     mujhe haat mein chhod akela
     ek-ek kar meet chalaa
     jeewan beet chala
    



ABV: emergeny ke dauraan, jab meri tabiyat kharaab huyi, tab
     mujhe bangalore ke jail se all india medical institute
     mein laaya gaya. chauthi ya paanchvi manzil par rakha
     gaya thaa. kada pehra thaa. lekin, roz sawere meri aankh
     achanak khul jaati thi. kaarn ye thaa ke rone ki awaaz aathi thi.
     maine pata lagaane ka pryaas kiya, ye awaaz kahan se aa
     rahi hai, kiski awaaz hai, tho mujhe bataya gaya ke
     medical institute mein raat mein jin marizon ka dehant
     ho jaata hai, ghar waalon ko unki laash sawere di
     jaati hai. sawere, unhe ye jaankaari milti hai ke unka
     priya jan nahi raha.

     rone ki awwaz, mujhe wichlit kar gayi
     door se awaaz aati thi magar hriday ko cheer kar chali jaati thi

5.   door kahin koi rota hai
     tan par pehra bhatak raha man
     saathi hai kewal soonapan
     bichud gaya kya swajan kisi ka
     krandan sada karun hota hai

     janm - diwas par hum ithlaate
     kyon na maran tyohaar manaate
     antim yaatra ke awsar par
     aansoo ka ashkun hota hai

     antar roye, aankh na roye
     dhul jayenge swapna sanjaaye
     chalna bhar wishwa mein
    kewal sapna hi sach hota hai

     is jeewan se mrityu bhali hai
     aantkit jab gali-gali hai
     main bhi rota aaspaas jab
     koi kahin nahin hota hai
     door kahin koi rota hai




ABV: emergency ke baad logon ne janata party par apna wishwaas
     prakat kiya thaa. jay prakash ji  humaare neta thhe. unke
     nethritwa mein humne raj ghat par jaa kar shapath li thi,
     ke  hum  milkar  chalenge, milkar desh ka  bhala karenge.
     lekin aisa na hua. janata  party toot  gayi, bikhar gayi.
     jay prakash ji ne apne  aankhon  ke aage  janata party ka
     durghatan  dekha.  gandhi ji  ke  kaaran  rajghat par jay
     prakash ji ke nethritwa mein jo shapath li gayi thi, uska
     humne  paalan nahin kiya. uska  hamein  afsos  rahega. usi
     samay  maine ye kavita  likhi thi jo meri  peeda ko  thodi
     maatra mein wyakt karti hai.

     kshama karo bapu, tum humko,
     wachan bhang ki humne purani.
     raj ghat ko kiya apawan,
     manzil bhoole, yaatra aadhi.
     jay prakash ji rakho bharosa,
     toote sapnon ko jodenge.
     chitha bhasm ki chingaari se,
     andhkaar ki gadh todenge.

6.   kadam milakar chalna hoga,
     baadhaayen aati hain aayen,
     ghire pRalay ki ghor ghataayen,
     paawon ke neeche angaaren,
     sir par barse yadi jwaalaayen,
     nij haath se hanste-hanste,
     aag laga kar jalna hoga.
     kadam milakar chalna hoga.

     haasya-rudaya mein, toofaanon mein,
     amar asankhyak balidaanon mein,
     uddhaanon mein veeraanon mein,
     apmaanon mein, sammanonn mein,
     unnat mastak, ubhara seena,
     peedaaon mein palna hoga.
     kadam mila kar chalna hoga.

     ujiyaare mein andhkaar mein
    kal kachaar mein, beech dhaar mein,
     ghor ghrina mein, poot pyaar mein,
     kshanik jeet mein deergh haar mein
    jeewan ke shat-shat aakarshak,
     armaanon ko dalna hoga.
     kadam mila kar chalna hoga.


      Preface: Javed Akhtar's deliverd by Amitabh Bachhan
      Poem   : Atal Bihari Vajpayee
      Music  : Jagjit Singh
      Voices : Atal Biari Vajpayee