Saher

1. tere baare meiN jab socha nahiN thaa
  maiN tanha tha magar itna nahiN thaa

  teri tasveer se karta thaa baateN
  mere kamer meiN aayina nahiN thaa

  samandar ne muJhe pyaasa hi rakha
  maiN jab sahra meiN thaa pyaasa nahiN thaa

  manaane ruThne ke khel meiN hum
  bichaD jaayenge ye socha nahiN thaa

  suna hai band kar li aaNkheN usne
  kai raatoN se wo soya nahiN thaa




2. muJhse bichaD ke khush rehte ho
  meri tarah tum bhi jhooTe ho

  ik tahni par chaaNd Tika thaa
  maiN ye samJha tum baithe ho

  uJle uJle phool khile the
  bilkul jaise tum haNste ho

  muJhe shaam bata deti hai
  tum kaise kapDe pehne ho

  tumh tanha duniya se laDoge
  bachhON si baateN karte ho



3. tumne dil ki baat kehdi aaj ye achha hua
  hum tumhe apna samajhte the, bada dhoKha hua

  jab bhi humne kuch kaha uska asar ulTa hua
  aap shaayad bhoolte haiN, baaraha aisa hua

  aapki aaNkhoN meiN aaNsoo kahan se aa gaye
  hum to deewaane haiN lekin aapko ye kya hua

  ab kisi se kya kaheN 'Iqbaal' apni daastaaN
  bas khuda ka shuKr hai jo bhi hua achha hua



4. kitni pi kaise kati raat muJhe hosH nahiN
  raat ke saath gayi baat muJhe hosH nahiN

  muJhko ye bhi nahin malooom ki jana hai kahan
  thaam le koi mera haath muJhe hosh nahin

  aaNsooN aur sharaaB mein guzar hai ab to
  maine kab dekhi thi barsaat muJhe hosN nahiN

  jaane kyaa tooTa hai paimaana ki dil hai mera
  bikhre bikhre haiN khayalaat muJhe hosH nahiN



5. ye jo zindagi ki kitaab hai ye kitaab bhi kya kitaab hai
  kahiN ik haseen sa khwaab hai kahin jaan lewa ajaab hai

  kahin chaaOn hai kahin dhoop hai, kahin aur hi koi roop hai
  kai chechre isme chupe huye, ik ajeeb si ye naqaab hai
   
  kahin kho diya kahin paa liya kahin ro liya kahin gaa liya
  kahin cheen leti hai har khushi kahin meharbaaN behisaab hai


  kahin aaNsoOn iki hai daastaaN kahin muskurahaToN ka bayaaN
  kahin kbarkatoN ki hai baarisheN kahin tishnagi behisaab hai



6. yaad nahin kya kya dekha tha saare maNzar bhool gaye
  uski galiyaaN se jab lauTe apna bhi ghar bhool gaye

  khoob gaye pardesh ki apni deewaar-o-dar bhool gaye
  seesh-mahel ne aisa ghera miTTi ka ghar bhool gaye

  tuJhko bhi jab apni kasmeiN apne waayede yaad nahiN
  hum bhi apne khwaab teri aankhoN meiN rakhkar bhool gaye

  muJhko jinhone kaTl kiya hai koi unhe batlaaye 'nazir'
  meri laash ke pehloo meiN wo apna khanzar bhool gaye



7. charaag-e-ishq jalaane ki raat aayi hai
  kisi ko apna banaane ki raat aayi hai

  falaK ka chaaNd bhi sharmaake mooNh chupaayega
  naqaab ruKh se uThaane ki raat aayi hai

  nigaahe saaqi se paiham chalaK rahi hai sharaab
  piyO ke peene pilaane ki raat aayi hai

  wo aaj aaye haiN mehfil meiN chaandni lekar
  ke roshni meiN nahaane ki raat aayi hai

 


8. tere aane ki jab khabar mehke
  teri khushboo se saara ghar mehke

  shaam mehke tere tasavvur se
  shaam ke baad fir saHer mehke

  raat bhar sochta raha tuJhko
  zehno-dil mere raat bhar mehke

  yaad aaye to dil munnawar ho
  deed ho jaaye to nazar mehke

  wo ghaDi do ghaDi jahaan baithe
  wo zamiN mehke wo saher mehke



  Lyrics : Meraz (1)
  Dr. Bashir Badr (2)
  Iqbaal Azim (3)
  Rahat Indori (4)
  Rajesh Reddy (5)
  Nazir Bakri (6)
  Faiz Ratlami (7)
  Dr. Nawaz Dewbandi (8)
  Music : Jagjit Singh 
  Voices : Jagjit Singh
   
 


ajaab : toofaan (storm)
barkatoN : tarakki (prosperity)
baarhaa : baar baar, kai baar (several times)
deed : darshan (to see)
jehan-o-dil : dil-o-dimaag (brain and heart)
khanzar : chura (dagger)
manzar : thikane, jageh (place)
munnawar : roshan (full of light)  
pehlu : nazdeek ,paas (close)
sajar : pade ( tree) 
sahra : registaan (desert)
tasavvur : (imagination )  
tishnagi : pyaas ( thirst )
 

Marasim

Marasim means relations. 
My relations with Jagjit Singh go back to the days 
when he composed music for my serial Mirza Ghalib. 
The compositions came very easily to him. 
I was so astonished at this spontaneity. 

Jagjit is a master par excellence in 
rendering of a ghazal. 
Ghazal needs a special 'Mizaj' for its rendering and 
an in-depth understanding of Urdu poetry. 
It is during this period and later, that I shared 
my poetry with him. 

All that looks easy, is not so simple. 
It took us more than six years to compile this album, 
weaving memories in melody. 
Marasim. 
- Gulzar 

1. haath chooTen bhi tho rishthe nahin choDa karthe
  waqt ki shaak se lamhein nahin toDa karthe

  jiski aawaaz meiN silwat ho nigahoN meiN shikan
  aisi tasvir ke tukDe nahiN joda karthe

  shahad jeene ka mila karta hai thoDa thoDa
  jaane waaloN ke liye dil nahin thoDa karthe

  lagke saahil se jo beHta hai use beHne do
  aisi dariya ka kabhi rukh nahiN moDa karthe



2. ek puraana mausam lauTa, yaad bhari purvayi bhi
  aisa to kam hi hotha hai, wo bhi ho tanhaayee bhi

  yaadon ki bauchaaroN se jab palke bheegne lagti hai
  kitni soundi lagthi hai tab maanjhi ki ruswaee bhi

  do do shakleN dikthi haiN is behke se aayine meiN
  mere saath chala aaya hai aapka ik saudayee bhi

  khamoshi ka haasil bhi ik lambi si kamoshi hai
  unki baath suni bhi humne, apni baat sunayi bhi.



3. aankhon mein jal raha hai kyoon, bujtha nahin dhuaaN
  uThtha tho hai gata sa barastha nahiN dhuaaN

  choolha nahin jalaye ya basti hi jal gayi
  kuch roj ho gaye hain abh uThtha nahin dhuaaN

  aankhoN se ponchne se laga aanch ka patha
  yoon chehra pher lene se chuptha nahin dhuaaN

  aankhoN se aansoon ke marasim purane haiN
  mehmaan ye ghar meiN aayen tho chubtha nahin dhuaaN



4. woh kaaTh ke purze uDa raha tha
  hawavon ka roop dikha raha tha

  kuch aur bhi ho gaya numaayaN
  main apna likha mita raha tha

  usi ka eemaan badal gaya hai
  kabhi jo mera khuda raha tha

  wo ek din ek ajnabi ko
  meri kahani suna raha tha

  wo umR kam kar raha tha meri
  maiN saal apne baDha raha tha


5. shaam se aankh meiN namiN si hai
  aaj fir aapki kami si hai

  dafan kar do hameiN ki saans mile
  nabz kuch der se thami si hai

  waqt rehtha nahin kahin chupkar
  iski aadat bhi aadmi si hai

  koi rishtha nahin raha fir bhi
  ek tasleem laazmi si hai



6. zindagi yoon huyi basar tanha
  kaafila saath aur safar tanha

  apne saaye se chaunk jaate haiN
  umR guzri hai is kadar tanha

  raat bar bolthe hain sannaaTe
  raat kaaTe koi kidhar tanha

  din guzartha nahin hai logon meiN
  raat hothi nahin basar tanha

  humne darwaaze tak tho dekha tha 
  fir na jaane gaye kidhar tanha



7. ek parvaaz dikhayee di hai
  teri aawaz sunayee de rahi hai

  jiski aankhon meiN kaTi thi sadiyaaN
  usne sadiyoN ki judayee di hai

  sirf ik safha palaT kar usne
  beeti baaton ki safaayee di hai

  fir wahiN lauTke jaana hoga
  yaar ne kaisi rihayee di hai

  aag ne kya kya jalayaa hai shavpar
  kitni khushrang dikhayee di hai



8. din kuch aise guzaartha hai koi
  jaise ahamsa utaartha hai koi

  aayina dekhkar tasalli huyi
  humko is ghar main jaantha hai koi

  pak gaya hai shejar pe fal shaayad
  fir se patthar uchaaltha hai koi

  der se goonjthe hain sannaaTe
  jaise humko pukaartha hai koi


  Lyrics : Gulzar
   
  Music : Jagjit Singh 
  Voices : Jagjit Singh

Silsilay

1. maiN bhool jaaoon tumhe, ab yahi munaasib hai
  magar bhoolna bhi chaahoon to kis tarah bhoolooN
  ke tum to fir bhi haqikat ho koi khwaab nahiN
  yahan to dil ka ye aalam hai kyaa kahoon 'kambakht'
  bhula saka na ye wo silsila jo thaa hi nahiN
  wo ik khyaal jo awaaz tak gaya hi nahin
  wo ek baat jo maiN keh nahiN saka tumse
  wo ek rawt jo hum meiN kabhi raha hi nahiN
  muJhe hai yaad wo sab jo kabhi huwa hi nahiN
  agar ye haal hai dil ka to koi samjhaaye
  tumhe bhulaana bhi chaahoon to kis tarah bhoolooN
  ke tum to fir bhi hakikat ho koi khwaab nahiN



2. mere dil ne kaha, ae diwaane bata
  jab se koi mila, tu hai khoya huwa,
  ye kahani hai kya, hai ye kyaa silsila, ae diwaane bata

  maine dil se kaha, ae diwaane bata
  dhaDkane meiN chupi, kaisi awaz hai
  kaisa ye geet hai kaisa ye saaz hai,
  kaisi ye baat hai, kaisa ye raaza hai, ae diwaane bata

  mere dil ne kaha , jab se koi mila
  chaand taare fizaaN, phool bhaNwaare hawa
  ye haNsi waadiyaaN, neela ye aasmaaN
  sab hai jaise naya, mere dil ne kaha
  maine dil se kaha, muJhko ye to bata,
  jo hai tuJhko mila, usme kyaa baat hai
  kya hai jaadoogari, kaun hai wo pari, ae diwaane bata

  na wo koi pari, na koi mehJabiN
  na wo duniya meiN sabse hai zyaada haseeN,
  bholibhaali si hai, seedhi saadhi si hai,
  lekin usme adaa ek niraali si hai
  uske bin mera jeena hi bekaar hai,
  maine dil se kaha, baat itni si hai,
  ki tuJhe pyuaar hai mere dil ne kaha muJhko ikraar hai,
  haaN muJhe pyaar hai.



3. jaate jaate wo muJhe achchhi nishaani de gaya
  uMr bhar dohraoonga aisi kahaani de gaya

  uss se maiN kuch paa sakooN aisi kahan ummeed thi
  gham bhi shaayad wo baraaye meharbaani de gaya

  sab hawaaeN le gaya mere samander ki koi
  aur muJhko ek kashti baadbaani de gaya

  khaiR maiN pyaasa raha, par usne itna to kiya
  mere palkoN ki kataroN ko wo paani de gaya


  
4. dard apnaata hai paraaye kaun
  kaun sunta hai aur sunaaye kaun

  kaun dohraaye puraani bateN
  gham abhi soya hai jagaaye kaun

  wo jo apne haiN, kya wo apne haiN
  aur dukh Jhele, aazmaaYeN kaun

  ab sukooN hai to bhoolne meiN hai
  lekin us shaksh ko bhulaaye kaun

  aaj fir dil hai kuch udaas-udaas
  dekhiye aaj yaad aaye kaun





5. muJhko yakeeN hai sach kehti thi jo bhi ammi kehti thi
  jab mere bachpan ke dine the, chaand meiN pariyaan rehti thee

  ek ye din jab apnoN ne bhi humse jnaata toD liya
  ek wo din jab ped ki shaakheN boJh hamara sehti thee

  ek ye din jab saari saDkeN ruThi ruThi lagti haiN
  ek wo din jab aaO khele saari galiyaN kehti thee

  ek ye din jab jaagi raateN diwaaroN ko takti hain
  ek wo din jab shaamoN ko bhi palkeN boJhal rehti thee

  ek ye din jab laakhoN gham aur kaal pada hai aaNsoon ka
  ek wo din jab ek zara sa baat pe nadiyaaN behti thee




6. sach ye hai bekaar meiN gham hota hai
  jo chaaha tha duniya meiN kam hota hai

  Dhalta suraj faila jangal rasta gum
  humse puchO kaisa aalam hota hai

  gairOn ko kab fursat hai dukh dene ki
  jab hota hai koi hamdum hota hai  

  zakhm to humne in aankhoN se dekheN haiN
  logoN se sunte haiN marham hota hai

  zehan ki shaakhoN par ashaar aa jaateN haiN
  jab teri yaadOn ka mausam hota hai





7. dard ke phool bhi bikhar jaate haiN
  zakhma kaise bhi ho bhar jaate haiN

  jab dareeche meiN bhi ab koi nahin aur hum bhi
  sar jhukaaye huye chupchaap guzar jaateN hain

  raasta roke khaDi hai yahi ulJhan kabse
  koi pooche to keheN kya ki kidhar jaate haiN
   
  naram awaaz, bhali baateN muhazzaB lehze
  pehli barish meiN hi ye rang utar jaate haiN



8. dariya ka saahil ho, poore chaand ki raat ho
  aur tum aaO, kabhi yooN bhi to ho

  pariyoN ki mehfil ho, koi tumhari baat ho
  aur tum aaO, kabhi yooN bhi to ho

  ye naram mulaayam thanDi hawaayeN, jab ghar se tumhaare guzre
  tumhari khushboo churaayeN, mere ghar le aayen, kabhi yooN bhi to ho

  sooni har mehfil ho, koi na mere saath ho
  aur tum aaO, kabhi yooN bhi to ho

  ye baadal aise TooT ke barse, mere dil ki tarah milne ko,
  tumhara dil bhi tarse, tum niklo ghar se, kabhi yooN bhi to ho

  tanhaai ho dil do, boonde hoN barsaat ho aur tum aaO.



  Lyrics : Javed Akhtar
  Music : Jagjit Singh 
  Voices : Jagjit Singh

Love is Blind

1. chak jigar ke see lete haiN
  jaise bhi wo jee lete haiN 
   
  dard mile to seh lete haiN 
  ashk mile to pee lete haiN

  aap kaheN to mar jaayeN hum  
  aap kaheN to jee lete haiN 

  bejari ke andhi-yaare meiN  
  jeene wale jee lete haiN

  hum to haiN un fuloN jaise  
  jo kaanTo meiN jee lete haiN 
   


2. kabhi khamosh baithogi, kabhi kuchh gungunaaogi 
  maiN utna yaad aaoonga, mujhe jitna bhulaaogi

  koi jab poochh baithega, khamoshi kaa sabab tumse
  bahot samajahna chaahogi, magar samjhaa na paogee

  kabhi duniya mukkammal banake, aayengi nigaahOn meiN
  kabhi meri kami duniya ki, har ek shey meiN paaOgi

  kahiN par bhee raheN hum tum mohabbat fir mohabbat hai 
  tumhe hum yaad aayenge, hameN tum yaad aaogee
   


3. wo kaun hai, duniya meiN jise, gam nahiN hota
  kis ghar meiN khushi hoti hai, maatam nahiN hota

  aise bhi haiN, duniya meiN jinheiN, gam nahiN hota
  ek hum haiN hamaara, kabhi kam nahiN hota

  kya surmaa bhari, aankhoN se, aansoo nahiN girte
  kya mehandi lage, hathoN se, matam nahiN hota

  kuch aur bhee, hotiN haiN, bigadane ki adaayeN
  par meri samaj ye, ek aalam nahiN hota



4. aaj ham bichhade haiNto, kitne rangeele ho gaye
  meri aankheN sukhi, tere haath peele ho gaye

  kab ki patthar ho chuki thee muntazir aankhe magar
  chhooke dekha to mere hath geele ho gaye 

  jane kya ehsas saaz-e-husn taroN meiN haiN
  jinko chhoote hi mere nagmeN raseele ho gaye

  ab koi ummeed hai sahid, na koi aarzoo 
  aasre TooTe to jeene ke waseele ho gaye



5. tum ye kaise juda ho gaye
  har taraf har jagah ho gaye

  apana chehra na badlaa gaya 
  aayine se khafa ho gaye

  jaane waale gaye bhi kahaaN 
  chand suraj ghaTa ho gaye 

  bewafa to na wo the na hum 
  yuuN hua bas juda ho gaye 

  aadmi banana aasaaN na tha 
  sheikhjee aarasa ho gaye 



6. samajhte the, magar fir bhi, na rakhi dooriyaN humne
  charakhoN ko jalaane meiN, jalalee oongliyaaN humne

  koi titalee, hamare paas, aati bhi to kya aati
  sajae ang bhar kagaj ke phool-pattiyaaN humne

  yooN hi ghut ghut, ke mar jana, humeN manjoor thaa lekin
  kisi kambal par, zaahir na ki, majbooriyaaN humne
   
  hum us mehfil meiN bas ek bar sach bolane vali
  jubaaN par umR bhar mehsoos kee chingariyaaN humne




7. aaj fir unka saamna hoga
  kya pata uske baad kya hoga

  aasmaaN ro raha hai do din se
  aapne kuchh kaha suna hoga 

  do kadam par sahee tera gooncha 
  ye bhi sadiyoN ka fasala hoga

  ghar jaltaa hai roshni ke liye
  koi mujhsaa bhi dil-jala hoga



8. ek jaam bhee leke, kuchh log ladkhadayeN
  peene gaye the chalke, le gaye uthake 

  sahebaaN ki aabaroo par, pani na fare 'saqi'
  maiN khud bhee pi raha hooN, aansoo mila mila ke

  wo mere lagajeesho , tana kide kar rahe hai
  jo maikade meiN khud bhi, chalate haiN lad-khadaake

  ek deen tu aa ke bhi, mannat ki laaj rakha le
  kab se ujadata hun, mehfil saja saja ke

  ae man najeer rakhana, dera-e-muto ko (!!!)
  dil ke bade dhani hai, baithe haiN dhan luta ke



  Lyrics : 
  Music : Jagjit Singh 
  Voices : Jagjit Singh
   

Come Alive

Volume I 

dostoN,

aap sab ko dekh kar mera kaleza duguna ho gaya hai. hamari bhi
ab yahi koshish hai ke is shaam ka aap poora poora maza lekar
ghar lauteN.

aaj ki shaam ki ibteda hum kar rahe hain ek ghazal se shayar hain
nida fazli,uske baad chand nayee ghazlen pesh karenge fir jaisi
jaisi aap ki farmaaish rahegi...hmmm.....


1. duniya jise kehte haiN jaadoo ka ek khilona hai
  mil jaaye to miTTi hai, kho jaaye to sona hai

  




2. har soo dikhaayee dete hain wo jalwagar muJhe
  kya kya fareb deti hai meri nazar muJhe
  
  dala hai bekhudi ne ajab raah par muJhe
  aaNkheN hai aur kuch nahiN aata nazar muJhe
  
  dil leke muJhse dete ho daag-e-zigar muJhe
  ye baat bhoolne ki nahi umR bhar muJhe
  
  aaya na raasna laaye dil ka asar muJhe
  ab tum mile to kuch nahin apni khbahar muJhe
  



3. jab kabhi tera naam lete haiN
  dil se hum intekaam lete haiN
  
  meri barbaadiyoN ke afsaane
  mere yaaroN ke naam lete haiN
  
  bas yahi ek zurM hai apna
  hum mohabbat se kaam lete haiN
  
  har kadam par gire magar seekhaa
  kaise girtoN ko thaam lete haiN
  
  ham bhaTak kar zunooN ki raahoN meiN
  aKl se intekaam lete haiN
  

  
4. tum naihin, gham nahin sharaab nahiN
  aisi tanhaayee ka jawaab nahiN
 
  gaahe gaahe ise paDha kije
  dil se behtar koi kitaab nahiN
  
  jaane kis kis ki maut aayeee hai
  aaj ruKh pe koi naqaab nahiN
  
  wo karam oongliyoN pe ginte haiN
  zulm ka jinke kuch hisaab nahiN
  


5. kaun kehta hai mohabbat ki zubaaN hoti hai
  ye hakikat to nigaahoN se bayaaN hoti hai
  
  wo naa aaye to sataati hai khalish si dil ko
  wo jo aaye to khalish aur jawaan hoti hai
  
  rooh ko shaad kare dil ko jo purnoor kare
  har nazaare ki ye tanweer kahaN hoti hai
  
  zabt-e-sailaab-e-mohaabt ko kahan tak roke
  dil meiN baat ho aankhoN se ayaaN hoti hai
  
  zindagi ek sulagti si chitaa hai 'saahir'
  shola banti hai na ye buJh ke dhuwaN hoti hai  



6. sarakti jaaye haiN rukh se naqaab aahistaa-aahista
  nikalta aa raha hai aaftaab aahistaa-aahista

  jawaN hone lage jab wo to humse kar liya parda
  hayaa yakalaKht aaee aur shabaaB aahistaa-aahista
   
  sawal-e-vasl pe unko uduu ka khauf hai itna
  dabe hoToN se dete haiN jawab aahistaa-aahista

  hamaare aur tumhaare pyaar meiN bas farq hai itna
  idhar to jaldi jaldi hai udhar aahistaa-aahista

  baDi bedardi se sar kaate 'ameer' aur maiN kahooN unse
  huzur aahistaa aahistaa janaab aahistaa-aahista

  sab-e-furkat ka jaaga hoon paristhoN ab to sone do
  kabhi fursat meiN kar lena hisaab aahistaa-aahista
  

Volume II


7. dhai din na jawaani naal chaldi (punjabi)



8. charka mera rangla (punjabi)



9. ishq mein ghairat-e-jazbaat ne rone na diya 
  warna kyaa baat thi kis baat ne rone na diya

  yaar ko maine ne mujhe yaar ne sone na diya
  raat bhar taal-e-deedar ne sone na diya

  aap kehte the ke rone se na badlenge naseeb
  uMr bhar aapki is baat ne rone na diya

  ek shab bulbul-e-betaab ke jaage na naseeb
  pehlu-e-gul ne kabhi khaaR ne sone na diya

  unse milkar hameN rona thaa bahut rona thaa
  tang ye waqt-e-mulaakat ne rone na diya

  raat bhar ki hile betaab ne baateN muJhse
  ranz-o-mehnat ki giraftaar ne sone na diya

  rone waaloN se kaho unka bhee rona roleN
  jinko majboor ye haalaat ne rone na diya




10. woh nahin milta muJhe iska giLa apni jagah
  uske mere darmiyaan ka faasla apni jagah

  zindagi ke is safar meiN saikDon chehre mile
  dilkashi unki alag hai paitar tera apni jagah

  tuJh se milkar aane waale kal se nafrat moLli
  ab kabhi tuJhse na bichdooN ye dua apni jagah

  ik musarsar daud mein hai manzileN aur faasle
  paaOn to apni jagah hai raasta apni jagah
   



11. koi paas aaya sawere sawere
  muJhe aajmaaya sawere sawere

  meri daastaaN ko zara sa badal kar
  muJhe hi sunaaya sawere sawere

  jo kehta thaa kal shab sambhalna sambhalna
  wahi lad-khadaaya sawere sawere

  kati raat saari meri maikade meiN
  khuda yaad aaya sawere sawere




12. meri tanhaiyoN tum hi laga lo muJhko seene se
  ke maiN ghabraa gaya hooN is tarah ro ro ke jeene se

  ye aadhi raat ko fir choodiyaan si kya khanakti hai
  koi aata hai ya meri hi zanzeereN chanakthi hai
  ye baaten kis tarah poochooN main saawan ke mahine se
  ke maiN ghabraa gaya hooN is tarah ro ro ke jeene se

  peene do muJhe apne hi lahoo ka jaam peene do
  na seene do kisi ko bhi mera daaman na seene do
  meri wahshat na badh jaaye kahin daaman ke seene se  
  ke maiN ghabraa gaya hooN is tarah ro ro ke jeene se




  Lyrics : Nida Fazli (1)
  Jigar Moradabadi(2)
  Sardar Anjum(3)
  Saeed Rahi (4,11)
  Sahir Hoshiyarpuri (5)
  Ameer Meenai (6)
  Inderjeet Hassanpuri(7,8)
  Sudarshan Faakir(9)
  Aatish (9)
  Iftikar Imam Siddiqi (10)
  Prem Warbartoni (12)
   
  Music : Jagjit Singh 
  Voices : Jagjit Singh 
  Chitra Singh

Unique

1. muJhe gusaa dikhaaya jaa raha hai
  tabassum ko dabaaya jaa raha hai

  wahaN tak aabroo jaBt-e-gham hai 
  jahaN tak mushkuraaya jaa raha hai

  do aalam maiNe chODe jiske khaatir
  wahi daaman chuDaaya jaa raha hai

  kareeb aane meiN hai ujko takalluF
  wahiN se mushkuraaya jaa raha hai


2. kaun aayega yahan koi na aaya hoga
  mera darwaaza hawaaoN ne hilaaya hoga

  dil-e-naadaaN na dhaDak ae dil-e-naadaaN na dhaDak
  koi khat leke paDosi ke ghar aaya hoga

  gul se lipTi huyee titli ko girakar dekho
  aandhiyoN tumne daraftoN ko giraaya hoga

  'kaif' pardesh meiN math yaad karo apna makaaN
  abke baarish ne use toD giraaya hoga


3. buJh gayee tapti huyee dil ki agaN
  saanJh ne chup-chaap hi pee lee agaN
  raat rijH aayee pehan ujla wasan
  pRaan tum kyooN mauN ho kuch gun-gunaaO
  chaandni ke phool tum mushkuraaO

  ek nili jHeel sa faila achal
  aaj ye aakaash hai itna saJal
  chaaNd jaise roop ka uBhraa kamal
  raat bhar is roop ka jaadoo jagaaO
  pRaan tum kyooN mauN ho kuch gun-gunaaO

  chal raha hai chait ka chanchal pawan
  ...............bikhri huyee undal sakhan
  aaj ho kaJraa udaasi hai nayan
  maaNg bhar lo baal par bindiyaa sajaaO
  pRaan tum kyooN mauN ho kuch gun-gunaaO


4. tera chehra kita suhaana lagta hai
  tere aage chaand puraana lagta hai

  tirche-tirche teer nazar ke lagte haiN
  seedha-seedha dil pe nishaana lagta hai
   
  aag ka kya pal-do-pal meiN lagti hai
  buJhte buJhte ek zamaana lagta hai

  sach to ye hai phool ka dil bhee chalni hai
  haNste haNste ek bahaana lagta hai



5. maan mausam ka kaha chaayee ghaTa jaam uTha
  aag se aag buJha phool khila jaam uTha

  ae mere yaar tuJhe uski kasam deta hooN
  bhool jaa shikwe gile haath mila jaam uTha

  ek pal bhi kabhi ho jaata hai sadiyoN jaisa
  der kay karna yahaN haath baDha jaam uTha

  pyaar hi pyaar hai sab log baraabar haiN yahaN
  maikade meiN koi choTa na baDa jaam uTha


6. bas ek waQt ka khanJar meri talaash meiN hai
  jo roJ bhesh badal ka meri talaash meiN hai

  maiN ek katra hooN mera alag waJood to hai
  hua kare jo samandar meri talaash meiN hai

  maiN dewtaa ki tarah qaid apne mandir meiN
  wo mere jisM ke baahar meri talaash meiN hai

  maiN jiske haath meiN ek phool deke aaya tha
  usi ke haath ka patthar meri talaash meiN hai


7. mere kareeb na aaO ke maiN sharaabi hooN
  mera ..... jagaaO ke maiN sharaabi hooN
   
  zamaaNe bhar ke nigaahoN se gir chuka hooN maiN
  nazar se tum na giraaO ke maiN sharaabi hooN

  ye aRz karta hooN gir kar khulush waaloN se
  uTha sakO to uthaaO ke maiN sharaabi hooN
 
  tumhari aaNkh se bhar looN suroor aaNkhoN meiN
  nazar nazar se milaaO ke maiN sharaab hooN



8. aap se gila aap kee kasam
  sochte rahe kar sake na hum

  uski kyaa khata la dawa hai gham
  kyooN gila kareN chaargar se hum

  ye nawazisheN aur ye karam
  farte shauK se mar na jaaye hum

  khechte rahe umR bhar muJhe
  ik tarah khuda ik taraf sanam

  ye agar nahiN yaar ki gali
  chalte chalte kyoon ruk gaye kadam

 
  Lyrics : Shahir Bhopali (1)
  Kaif Bhopali (2,4)
  Pandit Vinod Sharma (3)
  Bashir Badr (5)
  Krishan Bihar Noor (6)
  Sabab Sikri (7,8)

  Music : Jagjit Singh 
  Voices : Jagjit Singh
   
 

Mirage

1. apni marzi se kahaN apni safar ke hum haiN
  rukH hawaaON ka jidhar ka hai udhar ke hum haiN

  pehle har cheez thi apni magar ab lagta hai
  apne hi ghar meiN kisi doosre ghar ke hum haiN

  waqt ke saath miTTi ka safar sadiYoN se
  kisko maaloom kahan ke haiN kidhar ke hum haiN

  chalte rehte haiN ke chalnaa hai musaafir ka naseeb
  sochte rehte haiN kis raah guzar ke hum haiN



2. rishta kya hai tera mera
  maiN hooN shab aur tu hai sawera

  tu hai chaand sitoroN jaisa
  meri kismat ghoR andhera

  phooloN jaise raaheN teri
  kaaToN jaisa mera Dera

  aata jaata hai ye jeewan
  pal-do-pal ka raiN basera 



3. dushman ko bhee seene se lagana nahiN bhoole
  hum apne buzurgoN ka zamana nahiN bhoole

  tum aaNkhoN ki barsaat bachaaye huye rakhna
  kuch log abhi aag lagaana nahiN bhoole

  ye baat alag haath qalam ho gaye apne
  hum aapki tasveer bananaa nahiN bhoole

  ik umR huyee maiN to hansi bhool chuka hooN
  tum ab bhee mere dil to dukhaana nahiN bhoole



4. koi chaudhweeN raat ka chaaNd bankar 
  tumhaare tasavvuR meiN aaya to hoga
  kisi se to kee hogi tumne mohabbat
  kisi ko gale se lagaya to hoga

  tumhaare khayaloN ke angDaaiyoN meiN
  meri yaad ke phool mehKe to honge
  kabhi apne aanKhoN ke kaajal se tumne
  mera naam likhkar miTaaya to hoga

  laboN se mohabbat ka jaadoo jagake
  bhari bazm meiN sabse nazareN bachaake
  nigaahoN ki raahoN se dil meiN samaake
  kisi ne tumHe bhee churaaya to hoga

  kabhi aaeeNe se nigaaheN milakar
  jo lee hogi bharpoor angDaaiyoN toone
  to ghabraake khud teri angDaaiyoN ne
  tere husN ko gud-gudaaya to hoga



5. ik baramhahN ne kaha hai ke ye saal achhaa hai

  zulm ki raat ab jaldi Dhalegi abto
  aag choolhoN meiN har ek roz jalegi abto
  bhookh ke maare koi bachha nahiN royega
  chaiN ki neeNd har ik shaksh yahaN soyega
  aandhi nafrat ki chalegi na kahiN ab ke baras
  pyaar ki faSl ugaayegi zamiN ab ke baras
  hai yakiN ab na koi shor-sharaaba hoga
  zulm hoga na kahiN khoon-kharaaba hoga
  Os or dhooP ke sadme na sahega koi
  ab mere desh meiN be-ghar na rahega koi
  naye waadoN ka jo Daala hai wo jaal achha hai
  rehnumaaoN ne kaha hai ke ye saal achha hai
 
  dil ke khoosh rakhne meiN 'Ghaalib' ye khayal achha hai 



6. maiN na hindoo na musalmaan muJhe jeene do
  dosti hai mera imaaN muJhe jeene do

  koi ehsaaN na karo muJhpe to ehsaaN hoga
  siRf itna karo ehsaaN muJhe jeene do

  sabke dookh-dard ko apna samaJh ka jeena
  bas yahi hai mera armaaN muJhe jeene do

  log hote haiN jo hairaaN mere jeene se
  log hote rahe jairaaN muJhe jeene do
  


7. zindagi say badi saza hi nahin
  aur kya jurm hai pata hi nahin 

  itne hissoN meiN bat gaya hoon maiN
  meray hisay meiN kuch bacha hi nahin

  sach ghatay ya badey to sach na rahey
  jhooth ki koi intehaa hi nahin 

  jad do chaandi meiN chahey sonay meiN
  aaiana jhooth bolta hi nahin 




8. mai rahe meena rahe gardhish meiN paimaana rahe
  mere saaqi tu rahe aabaad maikhaana rahe

  harsh hee to ho chuka rukh se nahiN haTthi naqaab
  hadh bhee aakhir kuch hai kab tak koi deewaana rahe

  raat ko jo baiThte haiN roz hum majnu ke paas
  pehle an-ban reh chuki hai ab to yaaraana rahe

  zindagi ka luTf ho uDati rahe hardam 'riyaz'
  hum hoN seeshe ke pari ho ghar parikhaana rahe


  Lyrics : Nida Fazli (1)
  Kamal Sehgal (2)
  Saghar Azmi (3)
  Akhtar Azad (4)
  Sabir Dutt (5)
  Shahid Kabir (6)
  Krishan Bihari Noor (7)
  Raiz Khairabadi (8)
  Music : Talat Aziz
  Voices : Jagjit Singh
 

Cry for Cry

1. ab main ration ki kataRon mein naZar aata hooN
apne khetoN se bichchaDne ki saza paata hooN

itnee menhgaayee ke bazaar se kuch laata hooN
apne bachchoN meiN us'se baanT ke sharmaata hooN

apnee neendo ki lahoo pochne ki koshish meiN
jaagte jaagte, thak jaata hooN so jaata hooN

koi chaadar samaJh ke kheench na le fir se "Khaleel"
maiN qafan oDh kar foot-paath pe so jaata hooN




2. aaj ke daur mein ae dost ye manjhar kyoon hai.
zakhM har sar pe har ik haath meiN paththaR kyoon hai

jab haqeeqat hai ke har zaRRe meiN tu rehta hai
fir zamiN par kahiN masjid kahin mandir kyoon hai

apna anjaam to maaloom hai sabko phir bhi
apnee nazroN mein har insaan sikandar kyoon hai

zindagi jeene ke qaabil hi nahiN ab "Faakir"
warna har aaNkh meiN ashkoN ka samandar kyoon hai




3. maa sunao mujhe wo kahani
jisMe raja na ho na ho raNi

jo hamari tumhari katha ho
jo sabhi ke hriday ki gatha ho
gandh jisme ho apni dhara ki
baat jisme na ho apsara ki
ho na pariYan jahaN aasmaani

wo kahani ko hasna sikha de
pet ki bhookh ko bhi mita de
jisme sach ki bhari chaandni ho
jisme um'meed ki roshni ho
jisme na ho kahani puraani




4. kabhi aansoo kabhi khushi bechi
hum gariboN ne bekasi bechi

chaNd saanse khareedne ke liye
roz thoDi si zindagi bechi

jab rulaane lage muJhe saayee
maiNe uqta ke roshni bechi

ek hum the ke bik gaye khud hi
warna duniya ne dosthi bechi




5. apne chechre se jo zaahir hai chupaayeN kaise
teri marzi ke mutaabik nazar aayeN kaise

ghar sajaaNe ka tasawwur bahut baad ka hai
pehle ye tay ho ke is ghar ko bachchayeN kaise

kar kaha aankh ka bartaav badal deta hai
hansNe waale tuJhe aaNsoo nazar aayeN kaise

koi apnee hi nazar se to hume dekhega
ek qatre ko samandar nazar aayeN kaise




6. mujh mein jo kuch achchha hai sab uska hai.
mera jitna charcha hai sab uska hai

uska mera rishta baDa puraana hai
maiNe jo kuch socha hai sab uska hai

meree aankheN uski noor se roshan hai
maiNe jo kuch dekha hai sab uska hai

maiNe jo kuch khoya tha sab uska tha
maiNe jo kuch paaya hai sab uska hai

jitnee baar maiN TooTa hooN wo TooTa tha
idhar udhar jo bikhRa hai sab uska hai




7. wo rulakar hans na paya der taq
jab maiN rokar mushkuraaya der taq

bhoolna chaaha agar usko kabhi
aur bhi wo yaad aaya der taq

bhookhe bachchoN ki tasalli ke liye
maa ne phir paani pakaya der taq

gungunata jaa raha tha ik fakeer
dhoop rehti hai na saaya der taq



8. lab pe aati hai dua banke tamanna meri
zindagi shamma ki surat ho khuda ya meri

ho mere dum se yuN hi mere watan ki zeenat
jis taraH phool se hoti hai chaman ki zeenat

zindagi ho meri parwaane ki surat ya rab
iLm ki shamma se ho muJhko mohabbat ya rab

ho mera kaam gariboN ki himaayat karNa
dard mando se zaeefoN se mohabbat karNa

mere allaah buraayee se bachchana muJhko
nek jo raah ho uss reh pe chalaana muJhko



Lyrics : Khaleel Dhalijvi
Sudarshan Faakir
Nandalal Pathak
Abu Taalib
Waseem Barelvi
Kashmirilal Zakir
Nawaz Deobandi
Dr. Iqbal




Music : Jagjit Singh
Voices : Jagjit Singh
Siza Roy ( 3, 8 with school children)

Insight

1. garaj baras pyaasi dharthi par phir paani de maula
chidiyoN ko daane bacchoN ko guD-dhaani de maula

do aur do ka jod hamesha chaar kahan hota haiN
soch samajh waaloN ko thoDi naadaani de maula

phir roshan kar zeher ka pyaala chamka nayee salibeN
jhootoN ki duniya meiN sach ko taabaani de maula

phir moorath se bahar aakar chaaroN aur bhikar ja
phir mandir ko koi meera deewaani de maula

tere hote koi kisi ki jaan ka dushman kyooN ho
jeene waaloN ko marne ki aasaani de maula



2. Dohe



3. badlaa na apne aap ko jo the vahii rahe
milte rahe sabhii se magar ajnabii rahe

duniyaa na jeet paao to haaro na Khud ko tum
Tho.Dii bahut to zaheN mein naaraazagii rahe

apni tarah sabhii ko kisii kii talaash thii
ham jiske bhii qariib rahe duur hii rahe

guzro jo baaG se to duaa maa.Ngate chalo
jismeiN khile hain phool wo Daalii harii rahe



4. ye zindagii
aaj jo tumhaare badan kii chhoTii-baDii nasoN meiN
machal rahii hai tumhaare pairoN se chal rahii hai
ye zindagii
tumhaarii aawaaz meiN Gale se nikal rahii hai
tumhaare lafzoN meiN Dhal rahii hai
ye zindagii
jaane kitne sadiyoN se yuuN hii shaqleiN
badal rahii hai
badalatii shaqleiN
badalate jismoN meiN
chaltaa-phirtaa ye ik sharaaraa
jo is ghaDii naam hai tumhaaraa
isii se saarii chahal-pahal hai
isii se roshan hai har nazaaraa
sitaare toDo yaa ghar basaao
qalam uThaao yaa sar jhukaao
tumhaarii aaNkhoN kii roshnii tak
hai khel saaraa
ye khel hogaa nahiiN dubaaraa
ye khel hogaa nahiiN dubaaraa


5. Jeevan kya hai



6. muuNh kii baateN sune har koii, dil kaa dard na jaane kaun
aavaazoN ke baazaaroN meiN Khaamoshii pehachaane kaun

sadiyoN sadiyoN wahii tamaashaa rastaa rastaa lambii khoy
lekin jab ham mil jaate haiN, kho jaataa hai jaane kaun

vo meraa aaeenaa hai maiN us kii parachhaaii huuN
mere hii ghar meiN rehtaa hai, mujh jaisaa hii jaane kaun

kiran kiran halkaa saa suuraj, palak palak khultii niiNndeN
yuuN hii dil pighal rahaa hai, zaRRaa-zaRRaa jaane kaun




7. apna gham le ke kahin aur na jaaya na jaye
ghar meiN bikhri huee cheezoN ko sajaaya jaye

jin chiragoN ko hawaOn ka koi khauf nahiN
un chiragoN ko hawaOn se bachaya jaye

baag mein jaanay ke aadaab hua karte haiN
kisi titlee ko na phoolon say udaya jaye

ghar se masjid hai bahut door chalo yun kar le
kisi rote huye bachay ko hansaya jaye


8. chaaNd se phool se yaa merii zubaaN se suniye
har taraf aap kaa qiSSaa jahaaN se suniye

sab ko aataa hai duniyaa ko sataa kar jiinaa
zindagii kyaa mohabbat kii duaa se suniye

merii aawaaz pardaa mere chehare kaa
maiN hooN Khaamosh jahaaN muJhko wahaaN se suniye

kyaa zaRooii hai ki har pardaa uThaayaa jaaye
mere haalaat apne apne makaaN se suniye





Lyrics : Nida Fazli (1,2,3,4,5,6,7,8)
Music : Jagjit Singh
Voices : Jagjit Singh
Chitra Singh

Desires

1. din aa gaye sabaab ke aaNchal sambhaaliye
hone lagi hai shehar meiN halchal sambhaaliye

chaliye sambhal sambhal ke kaThin rah-e-ishq hai
naazuk baDi hai aapKi paayal sambhaaliye

saj dhaj ke aap nikle sare raah khair ho
Takra na jaaye aapka paagal sambhaaliye

ghar se naa jaaO door kisi ajnabi ke saath
barseNge jor-jor se baadal sambhaaliye




2. ulfaT ka jab kisi ne liya naam ro paDe
apni wafa ka soch ke anJaam ro paDe

har shaam ye sawaal mohabbat se kya mila
har shaam ye jawwab ke har shaam ro paDe

raaH-e-wafa meiN humko khushi ki talaash thee
do gaam hi chale the ke har gaam ro paDe

roNa naseeb meiN hai to auroN se kya gila
apne hi sar liya koi ilzaam ro paDe



3. gulshan ki faqat phooloN se nahiN kaaTon se bhi zeenat hoti hai
jeene ke liye is duniya meiN gham ki bhi zaroorat hoti hai

ae waaiz-e-naadan karta hai tu ek qayamat ka charcha
yahan roz nigaHen milti haiN yahan roz qayamat hoti hai

wo pursish-e-gham ko ayae HaiN kuch keh na sakooN chup reh na sakooN
khaamosh rahooN to mushkil hai keh dooN to shikaayat hoti hai

karna hi padega jabt-e-alam peene hi padenge ye aansoo
fariyad-o-fugaaN se ae naadaaN tauheen-e-mohabbat hoti hai

jo aake ruke daamal pe saba wo ashq nahiN hai paani hai
jo ashq na chalke aankhoN se us ashq ki keemat hoti hai



4. shamme mazaar thee na koi sogwaar tha
tum jis pe ro rahe the wo kiska mazaar thaa

taDpoonga uMr bhar dil-e-marhoom ke liye
kambaKht naamuraad laDakpan ka yaar thaa

jaadoo hai ya tilisM tumhari jubaaN meiN
tum jhooT keh rahe the muJhe aetbaar thaa

kya kya hamari sazde kee ruswaaeeyaN huyeeN
nakshe-kadam kisi ka sare rehguzaar thaa



5. ye kaisi mohabbat kahan ke fasaane
ye peene pilaane ke sab haiN bahaane

wo daaman ho unka ke sun-saan sehra
bas humko to aakhir haiN aansoo bahaane

ye kisne muJhe masth nazroN se dekha
lage khud-ba-khud hi kadam laD-khaDaane

chalo tum bhi 'gumnaam' ab maikade meiN
tumhe daFn karne haiN kai gham puraane



6. kaanTon ki chubhan paayee phoolon ka maza bhi
dil dard ke mausam meiN roya bhi hasa bhi

aane ka sabab yaad na jaane ki khabar hai
wo dil meiN raha aur use toD gaya bhi

har ek se manzil ka pata pooch raha hai
gumraah mere saath hua raahnuma bhi

'gumnaam' kabhi apnO se jo gam huye haasil
kuch yaad rahe unme to kuch bhool gaya bhi



7. jab tera naam pyaar se likhti haiN oongliyaN
meri taraf zamaane ki uThthi haiN oongliyaN

daaman sanam ka haath meiN aaya tha ek pal
din raat uss ek pal se mehakthi haiN oongliyaN

jab se door ho gaye ho uss din se hee sanam
bas din tumhare aane ke ginti haiN oongliyaN

patthar taraash kar naa bana taj ek naya
fankaar ke zamaane meiN kaTthi haiN oongliyaN



8. baat saaqi ki na Taali jaayegi
karke tauba toD daali jaayegi

dekh lena wo na khaali jaayegi
aah jo dil se nikaali jaayegi

gar yahi tarz-e-fugaN hai andali
to bhi gulshan se nikaali jaayegi

aate aate aayega unko khayaal
jaate jaate bekhayali jaayegi

kyoon nahiN milti gale se tegh-e-naaz
id kya ab ke bhi khaali jaayegi


Lyrics : Madanpal (1,7)
Sudarshan Fakir (2)
Saba Afghani (3)
Bekhud (4)
Gumnaam (5,6)
Jaleel (8)
Music : Jagjit Singh
Voices : Jagjit Singh
Chitra Singh

Chiraag 1993

Lyrics :
Music : Jagjit Singh
Voices : Jagjit Singh
Chitra Singh

1. Tareef uss khuda ki jisney jahaan banaya

2. Zara chehre se kamli ko hata do ya rasulla

3. Ab to mere khuda mujhe jalwa

4. tujhe dhoondtaa thaa main chaar-suu
terii shaan jalle jalaal hoon
tuu milaa qariib-e-khoj loon
terii shaan jalle jalaal hoon
terii yaad mein hai kalii-kalii
hai chaman chaman mein hubal alii
tuu basaa hai phuul mein huu-ba-huu
terii shaan jalle jalaal hoon
tere hukm se jo hawaa chalii
to chatak ke bolii kalii-kalii
hai karrim tuu rahiim tuu
terii shaan jalle jalaal hoon
teraa jalvaa donon jahaan mein hai
teraa nuur donon makaan mein hai
yahaan tuu hii wahaan tu hii tu
teri shaan jalle jalaal hoon


5. charaag dil ke jalaao ki iid ka din hai
taraane jhoom ke gaao ki iid kaa din hai

gamon ko dil se bhulaao ki iid kaa din hai
khushi se bazm sajaao ki iid kaa din hai

huzuur us kii karo ab salaamtii kii dua
sar-e-namaaz jhukaao ki iid kaa din hai

sabhii muraad ho puuriihar ek savaalii kii
duaa ko haath uthaao ki iid kaa din hai



6. duniya se dil lagakar duniya se kya milega
yaad-e-khuda kiye jaa tujh ko khudaa milega

daulat ho yaa hukumat taaqat ho yaa jawaani
har chiiz mitane vaalii har chiiz aanii-jaani

ye sab guruur ik din mittii mein jaa milegaa
aataa nahin palatakar guzraa hua zamaana

kya khwaab kaa bharosaa kyaa maut kaa thikaana
ye zindagii ganvaa kar kyaa faayadaa milegaa

7. sunte hai ke mil jati hai har cheez dua se


8. madiine ko jaayen ji chahata hai
muqaddar banaayen ji chahata hai

madiine ke aakaa do aalam ke maula
tere paas aayen jii chahata hai

jahaan dono aalam hai mahar-e-tamanna
wahaan sar jhukaayen ji chaahataa hai

muhammad ki baaten muhammed ki siirat
sune aur sunaayn ji chaahataa hai

Your Choice 1993

  Lyrics : Qateel Shifai (1,2)
  Seemab (4,11,12,14,15)
  Saeed Rahi (5)
  Rahi Masoom Reza (6,13)
  Sudharshan Faakir (7,10)
  Fani Bad ayani (8)
  Sardar Anjum (9)
  Music : Jagjit Singh 
  Voices : Jagjit Singh
  Chitra Singh

  1. kiya hai pyar jise humne zindagi ki tarah
  wo aashna bhi mila humse ajnabi ki tarah

  kise khabar thi badhegi kuch aur tareeqi
  chupega wo kisi badli mein chandni ki tarah

  badha ke pyaas meri usne haath chhod diya
  wo kar raha tha murawwat bhi dillagi ki tarah
   
  sitam to ye hai ke wo bhi na ban saka apna
  qabool humne kiye jiske gam khushi ki tarah

  kabhi na socha tha humne 'qateel' uske liye
  karega hum pe sitam wo bhi har kisi ki tarah



2. wo dil hi kya tere milne ki jo dua na kare
  main tuJhko bhool ke zinda rahoon khuda na kare

  rahega saath tera pyaar zindagi bankar
  ye aur baat meri zindagi wafa na kare

  suna hai usko mohabbat duayen deti hai
  jo dil pe chot to khaaye magar gila na kare

  ye theek hai nahin marta koi judayi mein
  khuda kisi ko kisi se magar juda na kare


3. tujhko darya dili ki kasam saaqiya,
  mustakil daur par daur chalta raha
  raunak-e-maikada yoon hi badhti rahe 
  ek girta rahe ik sambhalta rahe

  shirf sabnam hi shaan-e-gulistaa nahin
  shola-o-gul ka bhi daur chalta rahe
  ashq bhi chasm-e-purnam se behte rahe
  aur dil se dhooan bhi nikalta rahe

  tere kabze mein hai ye mizaami jahaan
  tu jo chaahe to sehra bane gulsitaan 
  har nazar par teri phool khilte rahe
  har ishaare pe mausam badalta rahe

  tere chehre pe ye zulf bikhri huyee
  neend ki godh mein subah nikhri huyi
  aur is par sitam ye adaayen teri
  dil hai aakhir kahan tak sambhalta rahe

  is mein khoon-e-tamanna ki taaseer hai
  ye wafa-e-mohabbat ki tasveer hai
  aisi tasveer badle ye mumkeen nahin
  rang chaahe zamaana badalta rahe



4. muJhse milne ke wo karta tha bahaane kitne
  ab guzaarega mere saath zamaane kitne

  main gira tha to bahot log ruke the lekin
  sochta hoon mujhe aaye the uthaane kitne

  jis tarah maine tujhe apna bana rakha hai
  sochte honge yahi baat na jaane kitne

  tum naya zakhm lagao tumhe isse kya hai
  bharne waale hai abhi zakhm puraane kitne



5. uski baaten bahaar ki baaten 
  waadiye na lazaar ki baaten

  gul-o-shabnam ka jikr kar na abhi
  mujhko karni hai yaar ki baaten

  sheikh maikada hai qaaba nahin
  yaaN to hogi khumaar ki baaten

  ishq ka kaarwaan chala bhi nahin
  aur abhi se gubaar ki baaten

  ye kafas aur tera khayaal-e-hasin
  us pe harsoon bahaar ki baaten



6. hum to hain pardesh mein desh mein nikla hoga chaand
  apni raat ki chhat par kitna tanha hoga chaand ho..
 
  jin aankhon mein kaajal bankar tairi kaali raat
  un aankhon mein aansoo ka ik katra hoga chaand

  raat ne aisa pech lagaya tooti haath se dor
  aangan waale neem mein jaakar atka hoga chaand

  chaand bina har din yoon beeta jaise yug beete
  mere bina kis haal mein hoga kaisa hoga chaand
   

7. zakhm jo aapki inaayat hai is nishaani ko kyaa naam de hum
  pyaar deewar ban ke reh gaya hai, is kahaani ko kya naam de hum

  aap ilzaam dhar gaye hum par, ek ehsaan kar gaye hum par
  aapki ye bhi meharbaani hai, meharbaani ko naam kya de hum

  aap ko yun hi zindagi samjha, dhoop ko humne chaandni samjha
  bhool hi bhool jiski aadat hai, ik jawaani ko naam kya de hum

  raat sapna bahaar ka dekha, din hua to gubaar sa dekha
  bewafa waqt bezubaan nikla, bezubaani ko naam kya de hum


8. chale bhi aao wo hai kabr-e-faani dekhte jaao
  tum apne marne waale ki nishaani dekhte jaao

  abhi kya hai kisi ki hoo rulayegi ye khamoshi
  zubaan-e-haal ki zaado bayaani dekhte jaao

  guroor-e-husn ka sadka koi jaata hai duniya se
  kisi ki khaak mein milti jawaani dekhte jaao

  sune jaate na the tumse mere din-raat ke shikwe
  kafan sar ka meri mezbaani dekhte jaao



9. humsafar hota koi to baant lete dooriyaan
  raah chalte log kya samJhe meri majbooriyaan

  muskuraate khwaab chunti gun-gunaati ye nazar
  kis tarah samJhe meri kismat ki na-manzooriyaan

  haadison ki bheed hai chalta hua ye kaarwaan
  zindagi ka naam hai laachaariyaan majbooriyan
  
  fir kisi ne aaj cheda zikr-e-manzil is tarah
  dil ke daaman se lipatne aa gayi hain dooriyaan



10. aaj tum se bichhad raha hoon main 
  aaj kehta hoon fir miloonga tumhe
  tum mera intezaar karti raho
  aaj ka aitbaar karti raho
  
  log kehte hain waqt chalta hain
  aur insaan bhi badalta hai
  kaash ruk jaaye waqt aaj ki raat
  aur badle na koi aaj ke baad

  waqt badle ye dil na badlega
  tum se rishta kabhi na tootega
  tum hi khooshboo ho meri saanso ki
  tum hi manzil ho mere sapno ki

  log boonte hain pyaar ke sapne
  aur sapne bikhar bhi jaate hain
  ek ehsaas hi to hai ye wafa
  aur ehsaas mar bhi jaate hain



11. nama gaya koi na koi naamabar gaya
  teri khabar na aai zamaana guzar gaya

  hansta hoon yoon ke hijr ki raaten guzar gayin
  rota hoon yoon ke lutf-e-duaayen saher gaya

  ab mujko hai qaraar to sab ko qaraar hai
  dil kya dhahar gaya ke zamaana thahar gaya
   
  ya rab nahin main waapise rudaad-e-zindagi
  itna hi yaad hai ke jiya aur mar gaya



12. gham muJhe hasrat muJhe wehsat mujhe sauda mujhe
  ek dil dekar kuhda ne de diya kya kya mujhe

  ye namaz-e-ishq hai kaisa adab kiska adab
  apne paaye naaz par karne bhi do sazda mujhe

  dekhte hi dekte duniya se main uth jaunga
  dekhti ki dekhti reh jaayegi duniya mujhe 



13. dil ke ujle kaagaz par hum kaisa geet likhen
  bolo tumko gair likhen ya apna meet likhen

  neele ambar ki angnai mein taaron ke phool
  mere pyaase hoton par hai angaaron ke phool
  in phoolon ko aakhir apni haar ya jeet likhen

  koi puraana sapna de do aur kuch meethe bol
  lekar hum nikle hain apni aakhon ke kash khol
  hum banjaare preet ke maare kya sangeet likhen

  shaam khadi hai ek chameli ke pyaale mein shabnam
  jamuna ji ke oongli pakde khel raha hai madhuban
  aise mein ganga jal se radha ki preet likehn




14. na ho gar aashna nahin hota 
  buth kisi ka khuda nahin hota

  tum bhi oos waqt yaad aate ho
  jab koi aasraa nahin hota

  dil mein kitna sukoon hota hai
  jab koi muddawa nahin hota

  ho na jab tak shikar-e-naakami
  aadmi kaam ka nahin hota

  zindagi thi shabaab tak 'seemab'
  ab koi saaneha nahin hota



15. Shab-e-gham ae mere allah basar bhi hogi
  raat hi raat rahegi ke saher bhi hogi

  main ye sunta hoon ke wo duniya ki khabar rakhte hain
  jo ye sach hai to unhe meri khabar bhi hogi

  chain milne se hai unke na juda rehne se
  aakhir ae ishq kisi tarha basar bhi hogi

Face to Face 1993

Lyrics : Saabir Dutt (1)
  Khamosh Ghazipuri (2)
  Shaahid Kabir (3)
  Rajesh Reddy (4)
  Daag and Ameer Minayee (5)
  Hasti (6)
  Zaka Siddhiki (7)
  Sudarshan Faakir (8)
  Music : Jagjit Singh 
  Voices : Jagjit Singh

1. sachchi baat kahi thi maine
  logon ne sooli pe chadhaya
  mujhko zehar ka jaam pilaaya
  phir bhi unko cha'in na aaya
  sachchi baat kahi thi maine
   
  leke jahan bhi waqt gaya hai
  zulm mila hai zulm saha hai
  sach ka ye inaam mila hai
  sachchi baat kahi thi maine

  sab se behtar kabhi na ban'na
  jag ke rehbar kabhi na ban'na
  peer pa'yambar kabhi na ban'na
  sachchi baat kahi thi maine

  chup rehkar hi waqt guzaaro
  sach kehne pe jaan math waaro
  kuch to seekho mujh se yaaro
  sachchi baat kahi thee maine



2. dairo haram mein basne waale
  mai-kharo mein phoot na daalo

  toofaan se hum takrayenge
  tum apni kashthi ko sambhalo

  maikhana mein aaye waaee'z
  inko bhi insaan bana lo

  aarizon-lab saada rehne do
  tajmahal pe rang na daalo




3. besabab baat badhaane ki zaroorat kya hai
  hum khafa kab the manane ki zaroorat kya hai
   
  aapke dum se to duniya ka bharam hai kaayam
  aap jab hain to zamaane ki zaroorat kya hai

  tera kucha, tera dar, teri gali kaafi hai
  be-thikano ko thikane ki zaroorat kya hai

  dil se milne ki tamanna hi nahin jab dil mein
  haath se haath milaane ki zaroorat kya hai

  rang aankhon ke liye boo hai damaagon ke liye
  phool ko haath lagaane ki zaroorat kya hai




4. zindagi tune lahoo leke diya kuch bhi nahin
  tere daaman mein mere waaste kya kuch bhi nahin

  mere in haathon ki chaaho to talaashi le lo
  mere haathon mein lakiron ke siwa kuch bhi nahin

  humne dekha hai kai aise khudaon ko yahan
  saamne jinke wo sach much ka khuda kuch bhi nahin

  yaa khuda ab ke ye kis rang se aayi hai bahaar
  zard hi zard hai pedon pe hara kuch bhi nahin

  dil bhi ik zid pe aaa hai kisi bachche ki tarah
  ya to sab kuch hi ise chaachiye ya kuch bhi nahin



5. tumne badle humse gin-gin ke liye
  humne kya chaaha tha is din ke liye

  wasl ka din aur itna mukhtasar
  din gine jaate the is din ke liye

  wo nahin sunte hamari kya karen
  maangte hain hum dua jinke liye

  chaahne waalo se gar matlab nahin
  aap phir paida hua kinke liye

  baarabaan kaliyan ho halqe rang ki
  bhejnee hai ek kamsin ke liye



6. pyaar ka pehla khat likhne mein waqt to lagta hai
  naYe parindo ko ud'dne mein waqt to lagta hai
 
  jism ki baat nahin thi unke dil taq jaana tha
  lambi doori tay karne mein waqt to lagta hai

  gaanth agar pad jaaye to phir rishte ho ya dori
  laakh karen koshish khulne mein waqt to lagta hai

  humne ilaaze zakhme dil to dhoond liya lekin
  gehRe zakhmon ko bharne mein waqt to lagta hai 
   
 


7. jeete rehne ki saza de, zindagi ae zindagi
  ab to marne ki dua de zindagi ae zindagi
  
  main to ab uqta gaya hoon kya yahi hai qaayanaat
  bas Ye aa'ieena hata de zindagi ae zindagi

  dhoondne niklaa tha tujhko aur khud ko kho diya
  tu hi ab mera pata de zindagi ae zindagi

  yaa mujhe ehsaas ki is qaid se kar de rihaa
  waRna deewana banaade zindagi ae zindagi


 
8. sheiKhji thodi si peekar aa'iye
  mai hai kya shai phir hume batlaa'iyee
  
  aap kyoon hain saari duniya se khafa
  aap bhi dushman mere ban jaa'iye

  kya hai achcha, kya bura banda-nawaaz
  aap samJhen to hume samJhaa'iye 
  
  jaane dije akl ki baaten janaab
  dil ki suniye aur peete jaa'iye

Rare Gems 1992

Lyrics : Faruk Kaiser (1)
Shamim Shahabadi (2,16)
Jigar Moradabadi (3,4,12,13)
Momin (5)
Ghalib (6,8,11)
Zauq (7)
Daag (9)
Krishan Adeeb (10,15)
Dagh Dehlavi (14)
Meer Taqi Meer (17)
Ameer Meenai (18)
Music : Jagjit Singh except 1 & 2 by C.K. Chauhaan
Voices : Jagjit Singh
Chitra Singh


Doston,
zehan ke kisi kone se jhaank rahi hain kuch
aisi ghazalen jo aap hi nahin, main bhi bhool
chuka hoon.
Ho sakta hain app mein se kuch logon ne inhe suna
bhi na ho, kyoon ki ye HMV ka wo khazana hai jo aaj
se pachhees saal pehle alag alag LPs par release
hua tha aur ab cassette or CD ki shakl mein aap
tak pahunch raha hai.
aaeeye unhi bhoolee bisri yaadon ko awaaz de aur
sune' un ghazalon ki gungunati aahat.

-Jagjit


1. apna gham bhool gaye, teri jafa bhool gaye
hum to har baat mohabbat ke siwa bhool gaye

hum akele hi nahin pyaar ke diwaane sanam
aap bhi nazren jhookaanen ki adaa bhool gaye

ab to socha hai ke daaman hi tera thaamenge
haath jab humne uthaaye hain dua bhool gaye

shukr samjho ya ise apni shikaayat samjho
tumne wo dard diya hai ke dawa bhool gaye




2. aankh ko jaam samajh baitha tha anjaane mein
saaqiya hosh kahan tha tere diwaane mein

jaane kis baat ki unko hai shikaayat mujhse
naam tak jinka nahin hai mere afsaane mein

dil ke tukdon se teri yaad ki khushboo na gayi
hue main baaqi hai toote huye paimaanon mein

dil-e-barbad mein umeed ka aalam kya hai
timtimathi huyee ik shamma hai veeraane mein



3. ye kiska tassavvur hai, ye kiska fasaana hai
jo ashK hain aansoon mein takbeeh ka daana hai

aankhon mein nameen si hai chup-chup se wo baithe hain
nazook si nighahon mein naazook sa fasana hai

ye ishk naheen aasaan itna to samaJh leeje
ik aag ka dariyaa hai aur doob ke jaana hai

ya wo the' khafa humse, ya hum hain khafa unse
kal unka zamaanaa tha, aj apna zamaana hai




4. mujhe de rahe hain tasalliyaan wo har ek tazaa payaam se
kabhi aake manzir-e-aam par kabhi hat ke manzir-e-aam se

na garaz kisi se na waastha mujhe kaam apne hi kaam se
tere zikr se, teri fikr se, teri yaad se, tere naam se

mere saaqiya mere saaqiya tujhe marhawa tujhe marhawa
tu pilaaye jaa tu pilaaye jaa isi chashm-e-jaam-wa-jaam se

teri suboh aish hai kya bala tujhe ae falak jo ho hausla
kabhi kar le aa ke mukaabala gham-e-hiJr-e-yaar ki shaam se




5. wo jo hum mein tumme qaraar tha tumhe yaad ho ke na yaad ho
wo hi aani waala nebaahta tumhe yaad ho ke na yaad ho

wo naye gile wo shikaayate wo maze-maze ki hikaayaten
wo har ek baat pe roothna tumhe yaad ho ke na yaad ho

koi baat aisi agar huyee jo tumhare jee ko buree lagi
to bayaan se pehle hi bhoolna tumhe yaad ho ke na yaad ho

jise aap ginte the aashnaa jise aap kehte the baawafaa
main wohi hooN 'momin'-e-mubtila tumHe yaad ho ke na yaad ho




6. bus ke dushwaar hai har kaam ka aasaan hona
aadmee ko bhee muyassar nahin insaan hona

kee mere qatl ke baad usne jafa se tauba
haay us zood_pashemaan ka pashemaan hona

haif us chaar girah kapde ki qismat 'Ghalib'
jis ki qismat mein ho aashiq ka girebaan hona




7. ab to ghabrake ye kehte hain ke mar jayenge
mar ke bhi chain naa paaya to kidhar jayenge

laaye jo masth hain turbat pe gulaabi aankhen
aur agar kuch nahin do phool to dhar jaayenge

hum nahin wo jo karen khoon ka daawa tujhse
bal ke poochega khuda bhi to mukar jayenge



8. kab se hoon kya bataaun jahaan-e-kharaab mein
shab haaye hizr ko bhi rakhun gar hisaab mein
taakhir na intezaar mein neend aaye umr bhar
aane ka 'ehed kar gaye aaye jo khwaab mein

qaasid ke aate aate khat ik aur likh rakhun
main jaanta hoon jo wo liKhenge jawaab mein



9. dil ko kya ho gaya khuda jaane
kyoon hai aisa udaas kya jaane

keh diya maine haal-e-dil apnaa
isko tum jaano ya khuda jaane

jaante-jaante hi jaanega
mujhme kya hai abhi wo kya jaane

tum na paaoge sada-dil mujhsa
jo tagaful ko bhi hayaa jaane



10. shaheron shaheron aaj hai tanhaa dil par gehra daag liye
galiyon galiyon ho gaye ruswaa dil par gehra daag liye

aaj gulistaan mein failee hai khusboo teri yaadon ki
mausam-e-gul hai hum hain tanha dil par gehra daag liye

rote dhote jee ko jalaate manzil-e-shab tak aa pahunche
chere par hai gard-e-tamanna dil par gehra daag liye

dhoondne unko shaher-e-buta mein aaj gaye the' hum bhi 'Adeeb'
aankh mein lekar gum ka dariyaa dil par gehra daag liye



11. fir kuchch is dil ko beqaraari hai
seena zoya-e-zakhm-e-kaaree hai

fir jigar khodane laga naakhun
aamad-e-fasl-e-laala_qaaree hai

fir usee bewafaa pe marte hain
fir wohee zindagee hamaaree hai

bekhudi be_sabab nahin 'Ghalib'
kuchch to hai jiskee pardaadaaree hai



12. os pade bahaar par aag lage kanaar mein
tum jo nahin kanaar mein lutf hi kya bahaar mein

uspe kare khuda rahem gardish-e-rozgaar mein
apnee talaash chhodkar jo hai talaash-e-yaar mein

hum kahin jaane waale-e-ahed daaman-e-ishq chodkar
zeest tere huzur mein, maut tere dayaar mein




13. ishq fana ka naam hai, ishq mein zindagi na de
jalwa-e-aaftaab ban, zarre mein roshni na de

shauq ko rehnuma bana jo ho chuka kabhi na de
aag dabi huyi nikaal aag bujhi huyi na de

tuJhko khuda ka waasta tu meri zindagi na de
jiski sehar bhi shaam ho uski siyaah shabi na de



14. ajab apna haal hota jo wisaal-e-yaar hota
kabhi jaan sadke hoti kabhi benisaar hota

na maza hai dushmani mein, no hai lutf dosti mein
koi ghair-ghair hota koi yaar-yaar hota

ye maza tha dillagi ka, ke baraabar aag lagti
na tumhe qaraar hota na humen qaraar hota

tere waade par sitamgar abhi aur sabr karte
agar apnee zindagi ka hume aitbaar hota




15. jab bhi aati hai teri yaad kabhi shaam ke baad
aur badh jaati hai afsoorda-dili shaam ke baad

ab iraadon pe bharosa hai na tauba pe yakeen
muJhko le jaa re kahan tashna_labi shaam ke baad

yun to har lamhaa teri yaad ka boJhal guzraa
dil ko mehsoos hui teri kami shaam ke baad

yun to kuch shaam se pehle bhi udaasi thee 'Adeeb'
ab to kuch aur badhi dil ki lagi shaam ke baad




16. dhuaan utha thaa diwaane ke jalte ghar se saari raat
lekin wo khaamosh rahe duniya ke dar se saari raat

raat yun jalte dil par teri yaadon ki barsaat huyi
jaise ik pyaase ki chitha par barkha barse saari raat

saari raat to sapne dekhe subah ko ye mehsoos hua
humNe apna sar takraaya ik pathhar se saari raat




17. patha-patha boota-boota haal hamaara jaane hai
jaane na jaane gul hi na jaane baag to saara jaane hai

chaara gareebi maariye dil ki rasm-e-shehar-e-husn nahin
warna dilbar ae' naadaan bhi is dard ka chaara jaane hai

mehar-o-wafa-o-lutf-o-inaayat ek se waakif inmein nahin
aur to sab kuch tanz-o-kinaaye ranjo ishaara jaane hai



18. uski hasrat hai jise dil se mita bhi na sakoon
dhoondne usko chala hoon jise paa bhi na sakoon

meharbaan hoke bula lo mujhe chaaho jis waqt
main gaya waqt nahin hoon ke fir aa bhi na sakoon

daal kar khaak mere khoon pe qaatil nikaah
kuch ye mehndi nahin meri ke chupaa bhi na sakoon

zauf mein taa maye agiyaar ka shikwaa kya hai
baat kuch sar to nahin hai ke utha bhi na sakoon

zabt kambakht ne aur aake gala ghonta hai
ke use' haal sunawoon to suna bhi na sakoon

zaher milta hi nahin mujhko sitamgar warna
kya kasam hai tere milne ki ke kha bhi na sakoon

uske pehloon mein jo le jaake sulaa doon dil ko
neend aisi use' aaye ke jagaa bhi na sakoon

In Search 1992

Lyrics : Qateel Shifai (1)
Rahat Indoree (2)
Liqayat Ali Azim (3)
Wajida Tabassum ( 4 & 5)
Zaka Siddiqi (6)
Ayaz Jhansvi (7)
Nida Fazli (8)

Music : Jagjit Singh
Voices : Jagjit Singh


1. apne hothon par sajaana chaahta hoon
aa tujhe main gun-gunaana chaahta hoon

koi aansoo tere daaman par girakar
boond ko moti banaana chaahta hoon

thak gaya main karte-karte yaad tujhko
ab tuJhe main yaad aana chaahta hoon

chaa raha hai saari basti mein andhera
roshni ko ghar jalaana chaahta hoon

aakhri hichki tere zaano pe aaye
maut ko bhi shaayarana chaahta hoon




2. dosti jab kisi se ki jaye
dushmano ki bhi raaye li jaye

maut ka zahar hai fizaon mein
ab kahan ja kay saans li jaye

bas isi sonch mein hoon dooba hua
ye nadi kaise paar ki jaaye

mere maazi ke zakhm bharne lage
aaj phir koi bhool ki jaye

botlayen khol ke to pee barson
aaj dil khol ke bhi pee jaye




3. kahin aisa naa ho daaman jala lo
hamaare aansoon par khaak daalo

manaana hi zaroori hai to fir tum
hume sabse khafa hokar mana lo

bahut royi huyee lafti hain aankhen
meri khaatir zara kaajal laga lo

akelepan se khauf aata hai mujhko
kahan jo ae mere khwab-o-khayaalon

bahut masoom baitha hoon main tumse
kabhi aakar mujhe hairat mein daalo




4. yaa to mit jaa'iye ya mita dijiye
kijiye jo bhi sauda khaRa kijiye

ab jafa kijiye ya wafa kijiye
aakhri waqt hai bas dua kijiye

apnee chehre se zulfen hata dijiye
aur phir chaand ka saamna kijiye

har taraf phool hi phool khil jaayenge
aap aise hee hanste raha kijiye

aapki ye hansi jaise ghoongru baje
aur qayamat hai kya ye bata dijiye



5. kaise kaise haadse sehte rahe
hum yunhi jeete rahe hanste rahe

uske aa jaane ki um'meeden liye
raasta mud mud ke hum takte rahe

waqt to gujra magar kuch is tarah
hum charaagon ki tarah jalte rahe

kitne chehre the humaare aas-paas
tum hi tum dil mein magar baste rahe





6. khaamoshi khud apni sada ho aisa bhi ho sakta hai
sannata hee goonj raha ho aisa bhi ho sakta hai

mera maaji mujh se bichad kar kya jaane kis haal mein hai
meri tarah wo bhi tanha ho aisa bhi ho sakta hai

sehra sehra kab tak main dhoondoon ulfat ka ek aalam
aalam aalam ik sehraa ho aisa bhi ho sakta hai

aehle toofaan soch rahe hain saahil dooba jaata hai
khud unka dil doob raha ho aisa bhi ho sakta hai




7. bebasi jurm hai hauslaa jurm hai
zindagi teri ek-ek adaa jurm hai

ae sanam tere baare mein kuch sochkar
apne baare mein kuch sochna jurm hai

yaad rakhna tujhe mera ek jurm tha
bhool jaana tujhe doosra jurm hai

kya sitam hai ke tere haseen sehar mein
har taraf gaur se dekhna jurm hai




8. jab kisi se koi gila rakhna
saamne apne aai'ina rakhna

yun ujaalon se waasta rakhna
shamma ke paas hi hawa rakhna

ghar ki taameer chaahe jaisi ho
ismen rone ki jageh rakhna

masjiden hain namaaziyon ke liye
apne ghar mein kahin khuda rakhna

milan-julna jahan zaroori ho
milne-julne ki hauslaa rakhna