Mirza Ghalib 1988

Lyrics : Mirza Ghalib
Music : Jagjit Singh
Voices : Jagjit Singh
Chitra Singh
Vinod Sehgal
Gulzar



Ibteda

hain aur bhi duniya mein sukhanwar bohot achche
kehte hain ki 'Ghalib' ka hai andaaz-e-bayaan aur


balli maarhah ke mahalle ki wo pechida daleelon ki see wo galiyan
saamne taal ke nukkad pe bateron ke posheede
gud-gudaati hui paan pi peekon mein wo daad wo wah-wah
chand darwaaze par latke huye boshida se kuch taat ke parde
ek bakri ke mamiyaane ki awaaz
aur dhoondhlaayi huyi shaam ke be-noor andhere
aise deewaron se mooh jod kar chalte hain yahan
chudi-waala unke katri ke badi bee jaise
apNi boojhti hui aankhon se darwaaze tatole
aisee be-noor andheri see gali qaasim se
ek quran-e-sukhan ka safa khulta hai
asad allah khan 'Ghalib' ka patha milta hai.



1. har ek baat pe kehte ho tum ke 'too kya hai' ?
tumheen kaho ke yeh andaaz-e-guftgoo kya hai ?

ragon mein daudte firne ke ham naheen qaayal
jab aankh hee se na tapka to fir lahoo kya hai ?

chipak raha hai badan par lahoo se pairaahan
hamari jeb ko ab haajat-e-rafoo kya hai ?

jalaa hai jicm jahaan dil bhee jal gaya hoga
kuredate ho jo ab raakh, justjoo kya hai ?

rahi na taaqat-e-guftaar, aur agar ho bhi
to kis ummeed pe kahiye ke aarzoo kya hai ?




2.
aah ko chaahiye ik 'umr asar hone tak
kaun jeeta hai teree zulf ke sar hone tak ?

aashiqui sabr talab aur tamanna betaab
dil ka kya rang karoon khoon-e-jigar hone tak ?

ham ne maana ke tagaful na karoge, lekin
khaak ho jaayenge ham tumko khabar hone tak

gham-e-hastee ka 'Asad' kis'se ho juz marg ilaaz
shamma'a har rang mein jaltee hai sahar hone tak




3. ishq mujhko nahin, wehshat hi sahi
meree wehshat, teree shohrat hi sahi

ham bhi dushman to nahin hain apne
ghair ko tujh se mohabbat hee sahi

hum koi tarq-e-wafa karte hain
na sahi ishq, museebat hee sahi





4. qaasid ke aate aate khat ik aur likh rakhoon
main jaanta hoon jo wo likhenge jawaab mein

kab se hoon kya bataaoon jahaan mein kharaab mein
jab haaye hizr ko bhi rakhoo gar hisaab mein

mujh tak kab unki bazm mein aata thaa daur-e-jaam
saaqi nein kuch mila na diya ho sharaab mein

taaqir na intezaar mein neend aaye umr bhar
aane ka 'ehed kar gaye aaye jo khwaab mein

'Ghalib' chuti sharaab par ab bhi kabhi kabhi
peeta hoon roj-e-abro shab-e-maahtaab mein





5. hazaaron khwahishain 'aisi ke har khwahish pe dam nikle
bohot nikle mere armaan lekin fir bhi kam nikle

nikalna khuld se aadam ka sunte aayain hain lekin
bohot be_aabru hokar tere kooche se ham nikle

mohabbat mein naheen hai farq jeene aur marne kaa
usee ko dekh kar jeete hain jis kaafir pe dam nikle

khuda ke waaste parda na kaabe se uthaa zaalim
kaheen 'eisa na ho yaan bhee wohee kaafir sanam nikle

kahaan maikhaane ka darwaaza 'GHalib' aur kahaan waaiz
par itana jaante hain kal wo jaata tha ke ham nikle






6. dil hee to hai na sang-o-khisht dard se bhar na aaye kyon ?
royenge ham hazaar baar, koee hamein sataaye kyon ?

dair nahin, haram nahin, dar nahin, aastaan nahin
baithe hain rehguzar pe ham, ghair hamein uthaaye kyon ?

haaN wo naheen khuda_parast, jaao wo be_wafa sahi
jisko ho deen-o-dil 'azeez, uski galee mein jaaye kyon ?

'GHalib'-e-khasta ke baghair kaun se kaam band hain ?
roiye zaar-zaar kya, keejiye haay-haay kyon ?




7. woh firaaq aur woh wisaal kahaan ?
woh shab-o-roz-o-maah-o-saal kahaan ?

thee woh ik shakhs ke tasavvur se
ab woh raanaai-e-khayaal kahaan ?

'eisa aasaan naheen lahoo rona
dil meiN taaqat jigar mein haal kahaan ?

fikr-e-duniyaan mein sar khapaata hoon
main kahaan aur ye wabaal kahaan?




8. tere waade par jiye ham to ye jaan jhoot jaanaa
ke khushi se mar na jaate agar 'aitbaar hota

ye na thi hamaari qismat ke wisaal-e-yaar hota
agar aur jeete rehte yahi intezaar hota

ye kahaan ki dostee hai ke bane hain dost naaseh
koee chaarasaaz hota, koee ghamgusaar hota

kahoon kis se main ke kya hai, shab-e-gham buree bala hai
mujhe kya bura tha marna ? agar ek baar hota




9. baazeechaa-e-atfaal hai duniya mere aage
hota hai shab-o-roz tamaasha mere aage

hota hai nihaan gard mein sehara mere hote
ghisata hai jabeen khaak pe dariya mere aage

mat pooch ke kya haal hai mera tere peeche ?
too dekh ke kya rang tera mere aage

imaan mujhe roke hai jo khinche hai mujhe kufr
ka'aba mere peeche hai kaleesa mere aage

go haath ko jumbish nahin aanhon mein to dam hai
rehne do abhee saaghar-o-meena mere aage




10. kisee ko de ke dil koi nawaa_sanj-e-fughaan kyon ho ?
na ho jab dil hee seene mein to fir munh mein zubaan kyon ho ?

wafa kaisi ? kahaan ka ishq ? jab sar phodna thehra
to fir 'ei sang_dil tera hee sang-e-aastaan kyon ho ?

yahee hai aazmaana to sataana kis ko kehte hain ?
`adoo ke ho liye jab tum to mera imtihaan kyon ho ?

qafas mein mujh se roodaad-e-chaman kehte na dar hamdam
giri hai jis pe kal bijli woh mera aashiyaan kyon ho ?





11. ye na thi hamaari qismat ke wisaal-e-yaar hota
agar aur jeete rehte yahee intezaar hota

koi mere dil se pooche tere teer-e-neemkash ko
ye khalish kahaan se hotee jo jigar ke paar hota

kahoon kis se main ke kya hai, shab-e-gham buri bala hai
mujhe kya bura tha marna ? agar ek baar hota





12. koi din gar zindagaanee aur hai
apne jee mein hamne thaani aur hai

baarha dekhi hain unki n
par kuchch ab ke sar giraani aur hai

deke khat munh dekhta hai naamabar
kuchch to paighaam-e-zabaanee aur hai

ho chukeen 'ghalib' balaayen sab tamaam
ek marg-e-naagahaanee aur hai




13. dil hei to hai na sang-o-khisht dard se bhar na aaye kyon ?
royenge ham hazaar baar, koi hamein sataaye kyon ?

qaid-e-hayaat-o-band-e-gham asl mein dono ek hain
maut se pehle aadmee gham se nijaat paaye kyon ?

'GHalib'-e-khasta ke baghair kaun se kaam band hain ?
roiye zaar-zaar kya, keejiye haay-haay kyon ?





14. zulmat_kade mein mere shab-e-gham ka josh hai
ik shamma'a hai daleel-e-sahar, so khamosh hai

daagh-e-firaaq-e-sohabat-e-shab kee jali hui
ik shamma`a reh gaee hai so wo bhee khamosh hai

aate hain ghaib se ye mazaameen khayaal mein
'GHalib', sareer-e-khaama nawa-e-sarosh hai




15. dil-e-naadaan tujhe hua kya hai ?
aakhir is dard kee dawa kya hai

hamko unse wafa ki hai ummeed
jo naheen jaante wafa kya hai

dil-e-naadaan tujhe huaa kya hai ?
aaKHir is dard kee dawa kya hai

ham hain mushtaaq aur woh bezaar
ya ilaahee ! yeh maajra kya hai ?

jab ki tujh bin naheen koee maujood
fir ye hangaama, 'ei khuda ! kya hai

jaan tum par nisaar karta hoon
main naheen jaanata duaa kya hai




16. unke dekhe se jo aa jaathi hai moonh par raunaq
wo samajhtn hain ke beemaar ka haal achcha hai

dekhiye paate hain pushaaq buton se kya faiz
ik barhaman ne kaha hai ke ye saal achcha hai

humko maaloom hai jannat ki haqeeqat lekin
dil ko khusH rakHne ko 'GHalib' ye khayaal achcha hai




17. sab kahan-kuch lala-o-gul mein numaayan ho gayi
khaak mein kya suraten hongi ke pinhan ho gayi

ranz se khu-garz hua insaan to mit jaata hai ranz
mushkilyen mujh par padi itni ke aasaan ho gayi

yun hi gar rota raha 'GHalib' to e-ehle jahaan
dekhna in bastiyon ko tum ke veeraan ho gayi




18. na tha kuchch to khuda tha, kuchch na hota to khuda hota
duboya mujhko hone ne, na hota main to kya hota ?

huaa jab gham se yoon behis to gham kya sar ke katne ka
na hota gar juda tan se to zaanoon par dhara hota

hui muddat ke 'GHalib' mar gaya par yaad aata hai
wo har ek baat pe kehna, ke yoon hota to kya hota ?